قدر الضغط: كيف تختار المقاس والنوع المناسب لبيتك؟
قدر الضغط يختصر وقت الطبخ للنص تقريبًا، خصوصًا اللحم والرز والبقوليات. بس الاختيار الصح يفرق في الأمان وطول عمر القدر.
ألمنيوم ولا استيل؟
- الألمنيوم: أخف وزنًا وسريع التسخين وسعره أقل، مناسب للاستخدام اليومي.
- الاستيل (الستانلس): أثقل وأقوى، ما يتأثر بالأكلات الحمضية، ويعيش سنين أطول.
كم لتر أحتاج؟
- 2 إلى 4 لتر: لشخص أو شخصين، أو للأطباق الجانبية.
- 5 إلى 7 لتر: للعائلة المتوسطة وهو المقاس الأكثر استخدامًا.
- 9 لتر وأكثر: للعائلات الكبيرة والعزايم والذبايح.
تنبيه: لا تعبي القدر أكثر من ثلثينه، وللأكلات اللي تنفش مثل البقوليات لا تتعدى النص.
الصيانة اللي تطول عمر القدر
- نظف الصفارة وفتحة البخار بعد كل استخدام عشان ما تنسد.
- غير الجلدة (الحلقة المطاطية) إذا قست أو صار البخار يطلع من جوانب الغطاء.
- لا تفتح الغطاء إلا بعد ما ينزل الضغط كامل.
وإذا انكسرت يد القدر أو خربت الصفارة، تلقى قطع الغيار بدل ما تغير القدر كامل.
تصفح القدور والكواتم وقطع غيارها في نظرة البريق، ونوصل لجميع مناطق المملكة.
